saqi gaya hai ruTh ke humse hazar-haif

saaqī gayā hai ruuTh ke ham se hazār-haif

aatī hai kyoñ tū dhuum se ab ke bahār haif

kal shoḳh se do-chār maiñ ho raah meñ kahā

kis kā male ho haat meñ ḳhuuñ ko nigār haif

kahne lagā ki kuchh hai tujhe sūjhtā nahīñ

andhe ye hai hinā tū na kah bār-bār haif

neñ to qasam ḳhudā kī maiñ samjhūñgā be-tarah

kuchh bhī shu.ūr hai tujhe ai bad-shi.ār haif

maiñ ne kahā ki baḳhsho miyāñ lo ḳhudā kā naam

achchhe ho tum bhī roz ho lekin hazār-haif

majnūñ-sifat phirūñ huuñ maiñ sahrā meñ to bhī haa.e

ai lailā-vash kiyā nahīñ bos-o-kanār haif

royā huuñ bas-ki hijr meñ āñkheñ huiiñ safed

muddat guzar ga.iiñ na milā tū to yaar haif

us be-vafā neñ sun ke ġhazab se kahā mujhe

kis din kiyā thā mujh pe dil apnā nisār haif

maiñ tujh ko jāntā hī nahīñ huuñ ḳhudā kī soñ

aave hai mujh ko hone se tere do-chār haif

vaqte ki til-ruḳhān-e-jahāñ kā ye rang ho

phir zindagī jahān meñ kiije hazār-haif

saqi gaya hai ruTh ke hum se hazar-haif

aati hai kyon tu dhum se ab ke bahaar haif

kal shoKH se do-chaar main ho rah mein kaha

kis ka male ho hat mein KHun ko nigar haif

kahne laga ki kuchh hai tujhe sujhta nahin

andhe ye hai hina tu na kah bar-bar haif

nen to qasam KHuda ki main samjhunga be-tarah

kuchh bhi shuur hai tujhe ai bad-shiar haif

main ne kaha ki baKHsho miyan lo KHuda ka nam

achchhe ho tum bhi roz ho lekin hazar-haif

majnun-sifat phirun hun main sahra mein to bhi hae

ai laila-wash kiya nahin bos-o-kanar haif

roya hun bas-ki hijr mein aankhen huin safed

muddat guzar gain na mila tu to yar haif

us be-wafa nen sun ke ghazab se kaha mujhe

kis din kiya tha mujh pe dil apna nisar haif

main tujh ko jaanta hi nahin hun KHuda ki son

aawe hai mujh ko hone se tere do-chaar haif

waqte ki til-ruKHan-e-jahan ka ye rang ho

phir zindagi jahan mein kije hazar-haif