dalil-e-subh-e-zarrin hai tu azmat ka nishan ho ja

dalīl-e-sub.h-e-zarrīñ hai tū azmat kā nishāñ ho jā

tirā manshūr aisā ho ki tū sīmīñ gumāñ ho jā

kaf-e-sehra-e-hastī se ḳhumār-e-sūfiyā le kar

anal-haq bhī pukāre jā charāġh-e-lā-makāñ ho jā

dikhā de jauharī unsur ki ho dushman ḳhamīda-sar

ḳhudī kā rāzdāñ ho kar chaman kā pāsbāñ ho jā

nasīhat-gar ḳhirad-āmez asās-e-mulk-e-mustahkam

bahār-e-anjuman dast-e-atā sirr-e-nihāñ ho jā

vasī.a-ul-fikr ho kar tū kulāh-e-qaisarī pā le

matā.a-e-sarvarī de kar faqīr-e-be-nishāñ ho jā

surūr-e-zindagānī ne shab-e-kulfat-zada baḳhshī

daqīqa sanj tū tadbīr se ātish fashāñ ho jā

nigahbān-e-vatan ai banda-e-momin guhar-afshāñ

shigāf-e-sīna-e-a.adā kā tū baa.is yahāñ ho jā

dalīl-e-qāte-e-bātil tirī shamshīr ho 'anjum'

adū-e-fāsiq-o-fājir azīz-e-be-kasāñ ho jā

dalil-e-subh-e-zarrin hai tu azmat ka nishan ho ja

tera manshur aisa ho ki tu simin guman ho ja

kaf-e-sehra-e-hasti se KHumar-e-sufiya le kar

anal-haq bhi pukare ja charagh-e-la-makan ho ja

dikha de jauhari unsur ki ho dushman KHamida-sar

KHudi ka raazdan ho kar chaman ka pasban ho ja

nasihat-gar KHirad-amez asas-e-mulk-e-mustahkam

bahaar-e-anjuman dast-e-ata sirr-e-nihan ho ja

wasia-ul-fikr ho kar tu kulah-e-qaisari pa le

mataa-e-sarwari de kar faqir-e-be-nishan ho ja

surur-e-zindagani ne shab-e-kulfat-zada baKHshi

daqiqa sanj tu tadbir se aatish fashan ho ja

nigahban-e-watan ai banda-e-momin guhar-afshan

shigaf-e-sina-e-ada ka tu bais yahan ho ja

dalil-e-qate-e-baatil teri shamshir ho 'anjum'

adu-e-fasiq-o-fajir aziz-e-be-kasan ho ja