dam ajnabi sadaon ka bharte ho sahibo
dam ajnabī sadāoñ kā bharte ho sāhibo
har lamha apnī jaañ se guzarte ho sāhibo
kyā jaane kyā hai baat ki har samt bhiiḌ meñ
apnā hī chehra dekh ke Darte ho sāhibo
tum bhī ajiib log ho kāñToñ kī raah se
kaise lahūluhān guzarte ho sāhibo
ik ajnabī sī aag hai jal ke is meñ aaj
kis zindagī kī khoj meñ marte ho sāhibo
kyā jaane kis guhar kī tumheñ justujū hai kyuuñ
dariyāoñ meñ lahū ke utarte ho sāhibo
itnā bhī phūñk phūñk ke rakhte nahīñ qadam
ab kunj-e-āfiyat se bhī Darte ho sāhibo
ab ye zamīn bhī na ḳhalāoñ kī ho shikār
kyuuñ apne āsmāñ se utre ho sāhibo
dam ajnabi sadaon ka bharte ho sahibo
har lamha apni jaan se guzarte ho sahibo
kya jaane kya hai baat ki har samt bhiD mein
apna hi chehra dekh ke Darte ho sahibo
tum bhi ajib log ho kanTon ki rah se
kaise lahuluhan guzarte ho sahibo
ek ajnabi si aag hai jal ke is mein aaj
kis zindagi ki khoj mein marte ho sahibo
kya jaane kis guhar ki tumhein justuju hai kyun
dariyaon mein lahu ke utarte ho sahibo
itna bhi phunk phunk ke rakhte nahin qadam
ab kunj-e-afiyat se bhi Darte ho sahibo
ab ye zamin bhi na KHalaon ki ho shikar
kyun apne aasman se utre ho sahibo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.