dam dilason mein rakha dam bhi nikalne na diya

dam dilāsoñ meñ rakhā dam bhī nikalne na diyā

kushta-e-nāz jo sañbhlā to sañbhalne na diyā

uf taġhāful ki tasavvur meñ bhī aane se gurez

do ghaḌī yuuñ bhī mire jī ko bahalne na diyā

kyā 'ajab koī sukūñ kā bhī nikaltā pahlū

kyā kareñ dard ne pahlū hī badalne na diyā

zer-e-dīvār paḌe the jo uThāyā us ne

zo'f ne chaar qadam bhī hameñ chalne na diyā

bazm meñ darpa.e-tash.hīr thī shoḳhī un kī

vo to kahiye dil-e-nādāñ ko machalne na diyā

sang-e-tiflāñ bhī sahe minnat-e-darbān bhī kī

havas-e-dīd ne dar se tire Talne na diyā

'ḳhār' kyā jāniye kyā bair hai is duniyā ko

gulban-e-'ishq kabhī phūlne phalne na diyā

dam dilason mein rakha dam bhi nikalne na diya

kushta-e-naz jo sanbhla to sanbhalne na diya

uf taghaful ki tasawwur mein bhi aane se gurez

do ghaDi yun bhi mere ji ko bahalne na diya

kya 'ajab koi sukun ka bhi nikalta pahlu

kya karen dard ne pahlu hi badalne na diya

zer-e-diwar paDe the jo uThaya us ne

zo'f ne chaar qadam bhi hamein chalne na diya

bazm mein darpae-tashhir thi shoKHi un ki

wo to kahiye dil-e-nadan ko machalne na diya

sang-e-tiflan bhi sahe minnat-e-darban bhi ki

hawas-e-did ne dar se tere Talne na diya

'KHar' kya jaaniye kya bair hai is duniya ko

gulban-e-'ishq kabhi phulne phalne na diya