dam le ai kohkan ab tesha-zani KHub nahin

dam le ai kohkan ab tesha-zanī ḳhuub nahīñ

jān-e-shīrīñ ko na kho koh-kanī ḳhuub nahīñ

Tuk tū hañs-bol ye ġhuncha-dahanī ḳhuub nahīñ

rashk-e-gul itnī bhī haañ kam-suḳhanī ḳhuub nahīñ

sar pe qumrī ko biThāyā to hai tū ne par sarv

terī āzād-vashī be-kafanī ḳhuub nahīñ

qābil-e-chasm-numā.ī hai tū ai tifl-e-sarishk

abtar itnā bhī na ho nāshudanī ḳhuub nahīñ

fasl-e-gul aane de dikhlā na abhī se zanjīr

ye ravish mauj-e-nasīm-e-chamanī ḳhuub nahīñ

man.a hañsne se to kartā nahīñ ai barq-vasho

phir sharārat se ye chashmak-zadanī ḳhuub nahīñ

ho sake tujh se to kar murġh-e-chaman gul kā ilaaj

us ko bīmārī-e-a.azā-shikanī ḳhuub nahīñ

koī dam aur bhī us abrū-e-pur-ḳham ko chhū

asfahānī ye abhī teġh banī ḳhuub nahīñ

chashm se us kī na kar da.av-e-ham-chashmī dekh

ki ḳhatā aisī ġhazāl-ḳhutanī ḳhuub nahīñ

maar khā.egā vo ḳhayyāt ki jis ne tere

band jaame ke liye nāg-phanī ḳhuub nahīñ

muñh ko dekh apne tū aur us ke lab-e-lāl ko dekh

rū-kashī us se aqīq-e-yamanī ḳhuub nahīñ

tark chashm-e-but-e-bad-kesh ḳhayāl us kā chhoḌ

murġh-e-dil sahme hai navak-faganī ḳhuub nahīñ

shāḳh-e-gul hai ki kamar baad se lachke hai tirī

ai miyāñ itnī bhī nāzuk-badanī ḳhuub nahīñ

maiñ bhī huuñ bādiya-paimā-e-junūñ ai majnūñ

is qadar aage mire lāf-zanī ḳhuub nahīñ

chhalnī kāñToñ se hue go mire talve lekin

dasht-e-vahshat kī abhī ḳhaak chhanī ḳhuub nahīñ

zahr khā jā.ūñgā ai sāqī-e-paimāna-ba-kaf

baaz aa jaane de paimāñ-shikanī ḳhuub nahīñ

dam le ai kohkan ab tesha-zani KHub nahin

jaan-e-shirin ko na kho koh-kani KHub nahin

Tuk tu hans-bol ye ghuncha-dahani KHub nahin

rashk-e-gul itni bhi han kam-suKHani KHub nahin

sar pe qumri ko biThaya to hai tu ne par sarw

teri aazad-washi be-kafani KHub nahin

qabil-e-chasm-numai hai tu ai tifl-e-sarishk

abtar itna bhi na ho nashudani KHub nahin

fasl-e-gul aane de dikhla na abhi se zanjir

ye rawish mauj-e-nasim-e-chamani KHub nahin

mana hansne se to karta nahin ai barq-washo

phir shararat se ye chashmak-zadani KHub nahin

ho sake tujh se to kar murgh-e-chaman gul ka ilaj

us ko bimari-e-aza-shikani KHub nahin

koi dam aur bhi us abru-e-pur-KHam ko chhu

asfahani ye abhi tegh bani KHub nahin

chashm se us ki na kar daw-e-ham-chashmi dekh

ki KHata aisi ghazal-KHutani KHub nahin

mar khaega wo KHayyat ki jis ne tere

band jame ke liye nag-phani KHub nahin

munh ko dekh apne tu aur us ke lab-e-lal ko dekh

ru-kashi us se aqiq-e-yamani KHub nahin

tark chashm-e-but-e-bad-kesh KHayal us ka chhoD

murgh-e-dil sahme hai nawak-fagani KHub nahin

shaKH-e-gul hai ki kamar baad se lachke hai teri

ai miyan itni bhi nazuk-badani KHub nahin

main bhi hun baadiya-paima-e-junun ai majnun

is qadar aage mere laf-zani KHub nahin

chhalni kanTon se hue go mere talwe lekin

dasht-e-wahshat ki abhi KHak chhani KHub nahin

zahr kha jaunga ai saqi-e-paimana-ba-kaf

baz aa jaane de paiman-shikani KHub nahin