در بدر پھرتا ہوں پر ان کو نہیں پاتا ہوں میں

در بدر پھرتا ہوں پر ان کو نہیں پاتا ہوں میں

ایک شیشہ ہے کہ ہر پتھر سے ٹکراتا ہوں میں

طاق نسیاں ہو گئیں اب زندگی کی شوخیاں

کہہ نہیں سکتا مگر سب کچھ کہے جاتا ہوں میں

کاروان زندگی رک رک کے کیوں چلنے لگا

چل نہیں سکتا مگر پھر بھی چلا جاتا ہوں میں

منفرد ہے یہ غزل اور طرح کا مصرع بھی ہے

کوئی کاتب لکھتا جائے جو بھی لکھواتا ہوں میں

آگ کا دریا ہے اور یہ ڈوب کر جانا بھی ہے

تیرتا جاتا ہوں جتنا ڈوبتا جاتا ہوں میں

زندگی میں شادؔ کی ہے شادمانی کا سماں

ہر قدم ہر موڑ پر اک زندگی پاتا ہوں میں