dar-o-diwar ki zad se nikalna chahta hun main

dar-o-dīvār kī zad se nikalnā chāhtā huuñ maiñ

havā-e-tāza tere saath chalnā chāhtā huuñ maiñ

vo kahte haiñ ki āzādī asīrī ke barābar hai

to yuuñ samjho ki zanjīreñ badalnā chāhtā huuñ maiñ

numū karne ko hai merā lahū qātil ke siine se

vo chashma huuñ ki patthar se ubalnā chāhtā huuñ maiñ

buland o past duniyā faisla karne nahīñ detī

ki girnā chāhtā huuñ yā sambhalnā chāhtā huuñ maiñ

mohabbat meñ havas kā sā mazā milnā kahāñ mumkin

vo sirf ik raushnī hai jis meñ jalnā chāhtā huuñ maiñ

dar-o-diwar ki zad se nikalna chahta hun main

hawa-e-taza tere sath chalna chahta hun main

wo kahte hain ki aazadi asiri ke barabar hai

to yun samjho ki zanjiren badalna chahta hun main

numu karne ko hai mera lahu qatil ke sine se

wo chashma hun ki patthar se ubalna chahta hun main

buland o past duniya faisla karne nahin deti

ki girna chahta hun ya sambhalna chahta hun main

mohabbat mein hawas ka sa maza milna kahan mumkin

wo sirf ek raushni hai jis mein jalna chahta hun main