dar-o-diwar se Dar lag raha tha

dar-o-dīvār se Dar lag rahā thā

tirā ghar bhī mirā ghar lag rahā thā

usī ne sab se pahle haar maanī

vahī sab se dilāvar lag rahā thā

jise mahtāb kahtā thā zamāna

tire kūche kā patthar lag rahā thā

jagah ab chhoḌ duuñ beTe kī ḳhātir

vo kal mere barābar lag rahā thā

ḳhabar kyā thī bagūloñ kā hai maskan

pare se to samundar lag rahā thā

chhalaktī thī ġhazal har zāviye se

tirā paikar suḳhanvar lag rahā thā

Thahartā kaun ik mere 'alāva

vahāñ to daav par sar lag rahā thā

tirī yādoñ kī rut aa.ī huī thī

ye sahrā mor kā par lag rahā thā

mire dīvār-o-dar bhī kāġhazī the

ghaTā meñ bhī samundar lag rahā thā

dar-o-diwar se Dar lag raha tha

tera ghar bhi mera ghar lag raha tha

usi ne sab se pahle haar mani

wahi sab se dilawar lag raha tha

jise mahtab kahta tha zamana

tere kuche ka patthar lag raha tha

jagah ab chhoD dun beTe ki KHatir

wo kal mere barabar lag raha tha

KHabar kya thi bagulon ka hai maskan

pare se to samundar lag raha tha

chhalakti thi ghazal har zawiye se

tera paikar suKHanwar lag raha tha

Thaharta kaun ek mere 'alawa

wahan to daw par sar lag raha tha

teri yaadon ki rut aai hui thi

ye sahra mor ka par lag raha tha

mere diwar-o-dar bhi kaghazi the

ghaTa mein bhi samundar lag raha tha