dar-pesh sham-e-gham hai adam ka safar mujhe

dar-pesh shām-e-ġham hai adam kā safar mujhe

is tīrgī meñ raah milegī kidhar mujhe

e.ajāz-e-chashm-e-nāz dikhā fitna-gar mujhe

ya.anī miTā diyā hai to paidā bhī kar mujhe

majbūr raaz kahne pe hamdam na kar mujhe

dār-o-rasan haiñ sāmne haq baat par mujhe

saaqī huuñ rind-e-ḳhās mile tez-tar mujhe

mai-ḳhāna sab jahāñ ko sharāb-e-nazar mujhe

ta.abīr is kī kyā hai batā chārāgar mujhe

dekhā hai ḳhvāb meñ na milegī sahar mujhe

kho de malāl hijr kā chāhe jidhar mujhe

uTThī to DhūñD legī kisī kī nazar mujhe

vo muskurā rahe haiñ jidhar dekhtā huuñ maiñ

kaisā diyā gayā hai fareb-e-nazar mujhe

dhoke meñ tere ahd-e-mohabbat ke aa gayā

ma.alūm ye hadīs huī mo'atabar mujhe

dīvāne ho ga.e haiñ mire saath aqrabā

samjhā rahā hai ishq meñ sab ghar kā ghar mujhe

vo mast-e-kaif-e-nāz haiñ maiñ be-ḳhud-e-niyāz

un kī ḳhabar unheñ hai na merī ḳhabar mujhe

sayyād bhī diyā to muqaddar se bad-gumāñ

badle ka.ī qafas jo mile chaar par mujhe

kuchh un kī teġh ke bhī baḌhāne the hausle

kuchh ḳhud bhī bār-e-dosh thā ulfat meñ sar mujhe

ik din to aa ke sāmne jalve bikher do

maiñ yaad kyā karūñgā milī thī nazar mujhe

ho kar asiir yuuñ mire fitrat badal ga.ī

jaise kabhī mile hī na the bāl-o-par mujhe

ik barq thī jo ruuh pe lahrā ke gir paḌī

ab tak hai yaad aap kī pahlī nazar mujhe

māyūs ho chalā hai mirā zauq-e-justujū

kuchh to patā batāo miloge kidhar mujhe

mujh ko kamāl-e-be-hunarī 'abr' hai bahut

ya.anī nahīñ zarūrat-e-arz-e-hunar mujhe

dar-pesh sham-e-gham hai adam ka safar mujhe

is tirgi mein rah milegi kidhar mujhe

eajaz-e-chashm-e-naz dikha fitna-gar mujhe

yani miTa diya hai to paida bhi kar mujhe

majbur raaz kahne pe hamdam na kar mujhe

dar-o-rasan hain samne haq baat par mujhe

saqi hun rind-e-KHas mile tez-tar mujhe

mai-KHana sab jahan ko sharab-e-nazar mujhe

tabir is ki kya hai bata chaaragar mujhe

dekha hai KHwab mein na milegi sahar mujhe

kho de malal hijr ka chahe jidhar mujhe

uTThi to DhunD legi kisi ki nazar mujhe

wo muskura rahe hain jidhar dekhta hun main

kaisa diya gaya hai fareb-e-nazar mujhe

dhoke mein tere ahd-e-mohabbat ke aa gaya

malum ye hadis hui mo'atabar mujhe

diwane ho gae hain mere sath aqraba

samjha raha hai ishq mein sab ghar ka ghar mujhe

wo mast-e-kaif-e-naz hain main be-KHud-e-niyaz

un ki KHabar unhen hai na meri KHabar mujhe

sayyaad bhi diya to muqaddar se bad-guman

badle kai qafas jo mile chaar par mujhe

kuchh un ki tegh ke bhi baDhane the hausle

kuchh KHud bhi bar-e-dosh tha ulfat mein sar mujhe

ek din to aa ke samne jalwe bikher do

main yaad kya karunga mili thi nazar mujhe

ho kar asir yun mere fitrat badal gai

jaise kabhi mile hi na the baal-o-par mujhe

ek barq thi jo ruh pe lahra ke gir paDi

ab tak hai yaad aap ki pahli nazar mujhe

mayus ho chala hai mera zauq-e-justuju

kuchh to pata batao miloge kidhar mujhe

mujh ko kamal-e-be-hunari 'abr' hai bahut

yani nahin zarurat-e-arz-e-hunar mujhe