Dar ye nahin ki hijr mein jina muhaal hai

Dar ye nahīñ ki hijr meñ jiinā muhāl hai

Dar hai ki ḳhāksār kasīr-ul-'ayāl hai

chhe saat ser khā ke bhī kahtā hai maulvī

aalam tamām halqa-e-dām-e-ḳhayāl hai

ab vo shab-e-firāq kī nīñdeñ kahāñ nasīb

ai dil shab-e-visāl meñ sonā muhāl hai

kuttoñ kā ik hujūm jilau meñ hai raat din

patlā dayār-e-husn meñ āshiq kā haal hai

dafnā ke jā rahā hai mujhe vo sitam-zarīf

āñkhoñ meñ jū-e-ḳhūñ hai baġhal meñ kudāl hai

samjhā ke mujh ko ishq ḳhalal hai dimāġh kā

nāseh ne un se shādī kī merā ḳhayāl hai

kah do ye apnī maañ se kare fan kā ehtirām

khāñsī ye kyā hai jis meñ ki sur hai na taal hai

ye ahd-e-barshgāl kirā.e kā ye makāñ

ya.anī har ek kamre meñ chhoTā sā taal hai

khelā kiye ye taash maiñ royā kiyā lahū

chāragaroñ ke faiz se jiinā muhāl hai

Dar ye nahin ki hijr mein jina muhaal hai

Dar hai ki KHaksar kasir-ul-'ayal hai

chhe sat ser kha ke bhi kahta hai maulwi

aalam tamam halqa-e-dam-e-KHayal hai

ab wo shab-e-firaq ki ninden kahan nasib

ai dil shab-e-visal mein sona muhaal hai

kutton ka ek hujum jilau mein hai raat din

patla dayar-e-husn mein aashiq ka haal hai

dafna ke ja raha hai mujhe wo sitam-zarif

aankhon mein ju-e-KHun hai baghal mein kudal hai

samjha ke mujh ko ishq KHalal hai dimagh ka

naseh ne un se shadi ki mera KHayal hai

kah do ye apni man se kare fan ka ehtiram

khansi ye kya hai jis mein ki sur hai na tal hai

ye ahd-e-barshgal kirae ka ye makan

yani har ek kamre mein chhoTa sa tal hai

khela kiye ye tash main roya kiya lahu

chaaragaron ke faiz se jina muhaal hai