Dara na paega lashkar tera zara mujhko

Darā na pā.egā lashkar tirā zarā mujh ko

mire ḳhudā ne vo baḳhshā hai hausla mujh ko

banā hai jab se mirā ham-safar koī jugnū

dikhā rahā hai añdhere meñ rāsta mujh ko

surāġh miltā nahīñ hai kahīñ se manzil kā

ye kis maqām pe lā kar khaḌā kiyā mujh ko

vo jis ko samjhā thā maiñ ne yahāñ habīb apnā

vo shaḳhs dene lagā in dinoñ daġhā mujh ko

jo uñglī thaam ke chaltā rahā sadā merī

dikhā rahā hai vahī shaḳhs ā.īna mujh ko

vo kaun urdu kā shaidā hai shahr meñ 'sānī'

sabaq sikhā gayā kal kā mushā.era mujh ko

Dara na paega lashkar tera zara mujh ko

mere KHuda ne wo baKHsha hai hausla mujh ko

bana hai jab se mera ham-safar koi jugnu

dikha raha hai andhere mein rasta mujh ko

suragh milta nahin hai kahin se manzil ka

ye kis maqam pe la kar khaDa kiya mujh ko

wo jis ko samjha tha main ne yahan habib apna

wo shaKHs dene laga in dinon dagha mujh ko

jo ungli tham ke chalta raha sada meri

dikha raha hai wahi shaKHs aaina mujh ko

wo kaun urdu ka shaida hai shahr mein 'sani'

sabaq sikha gaya kal ka mushaera mujh ko