daraKHton se juda hote hue patte agar bolen
daraḳhtoñ se judā hote hue patte agar boleñ
to jaane kitne bhūle-bisre afsānoñ ke dar kholeñ
ikaTThe baiTh kar bāteñ na phir shāyad mayassar hoñ
chalo in āḳhirī lamhoñ meñ jī bhar kar hañseñ boleñ
havā meñ bas ga.ī hai phir kisī ke jism kī ḳhushbū
ḳhayāloñ ke parinde phir kahīñ uḌne ko par tauleñ
jahāñ the muttafiq sab apne begāne Dubone ko
usī sāhil pe aaj apnī anā kī sīpiyāñ roleñ
bhañvar ne jin ko lā pheñkā thā is be-rahm sāhil par
havā.eñ aaj phir un kashtiyoñ ke bādbāñ kholeñ
na koī rokne vaalā na koī Tokne vaalā
akele aa.ine ke sāmne hañs leñ kabhī roleñ
daraKHton se juda hote hue patte agar bolen
to jaane kitne bhule-bisre afsanon ke dar kholen
ikaTThe baiTh kar baaten na phir shayad mayassar hon
chalo in aaKHiri lamhon mein ji bhar kar hansen bolen
hawa mein bas gai hai phir kisi ke jism ki KHushbu
KHayalon ke parinde phir kahin uDne ko par taulen
jahan the muttafiq sab apne begane Dubone ko
usi sahil pe aaj apni ana ki sipiyan rolen
bhanwar ne jin ko la phenka tha is be-rahm sahil par
hawaen aaj phir un kashtiyon ke baadban kholen
na koi rokne wala na koi Tokne wala
akele aaine ke samne hans len kabhi rolen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
