darbar mein jab arz-e-hunar aur tarah ki

darbār meñ jab arz-e-hunar aur tarah kī

sultāñ ne mire fan kī qadar aur tarah kī

dekhā jo zamāne ne mujhe tirchhī nazar se

maiñ ne bhī zamāne pe nazar aur tarah kī

miltā hī na thā koī mujhe ek tarah kā

maiñ ne bhī to umr apnī basar aur tarah kī

shāhāñ ne bahut raah pe laanā mujhe chāhā

merī bhī tabī.at thī magar aur tarah kī

manzil jo mirī dūsre logoñ se alag thī

aise hī na thī merī Dagar aur tarah kī

lafzoñ se sadā kaam liyā maiñ ne zirah kā

talvār mirī aur sipar aur tarah kī

kuchh aur the yāsir mire paiġhām ke tevar

aa.ī thī udhar se bhī ḳhabar aur tarah kī

darbar mein jab arz-e-hunar aur tarah ki

sultan ne mere fan ki qadar aur tarah ki

dekha jo zamane ne mujhe tirchhi nazar se

main ne bhi zamane pe nazar aur tarah ki

milta hi na tha koi mujhe ek tarah ka

main ne bhi to umr apni basar aur tarah ki

shahan ne bahut rah pe lana mujhe chaha

meri bhi tabiat thi magar aur tarah ki

manzil jo meri dusre logon se alag thi

aise hi na thi meri Dagar aur tarah ki

lafzon se sada kaam liya main ne zirah ka

talwar meri aur sipar aur tarah ki

kuchh aur the yasir mere paigham ke tewar

aai thi udhar se bhi KHabar aur tarah ki