dard baqi dawa nahin baqi

dard baaqī davā nahīñ baaqī

mujh meñ ab hausla nahīñ baaqī

kashtī-e-zīst Dūbne ko hai

us kā ab nāḳhudā nahīñ baaqī

kaisī haiñ darmiyāñ kī dīvāreñ

varna to fāsla nahīñ baaqī

mahfileñ diid aur mulāqāteñ

hijr ke mā-sivā nahīñ baaqī

rāhzan haiñ sabhī pas-e-parda

ab koī rahnumā nahīñ baaqī

log sab haiñ daġhā kī daldal meñ

kyoñ kisī meñ vafā nahīñ baaqī

dard-o-ġham saare tere hijr meñ the

ab koī āriza nahīñ baaqī

haa.e luuTā hai ik naqab-zan ne

ghar meñ ik boriyā nahīñ baaqī

yaad aa.e 'salīm' ba.ad-az-marg

kahte haiñ sar-phirā nahīñ baaqī

dard baqi dawa nahin baqi

mujh mein ab hausla nahin baqi

kashti-e-zist Dubne ko hai

us ka ab naKHuda nahin baqi

kaisi hain darmiyan ki diwaren

warna to fasla nahin baqi

mahfilen did aur mulaqaten

hijr ke ma-siwa nahin baqi

rahzan hain sabhi pas-e-parda

ab koi rahnuma nahin baqi

log sab hain dagha ki daldal mein

kyon kisi mein wafa nahin baqi

dard-o-gham sare tere hijr mein the

ab koi aariza nahin baqi

hae luTa hai ek naqab-zan ne

ghar mein ek boriya nahin baqi

yaad aae 'salim' baad-az-marg

kahte hain sar-phira nahin baqi