dard baDhta hi rahe aisi dawa de jao

dard baḌhtā hī rahe aisī davā de jaao

kuchh na kuchh merī vafāoñ kā salā de jaao

yuuñ na jaao ki maiñ ro bhī na sakūñ furqat meñ

merī rātoñ ko sitāroñ kī ziyā de jaao

ek baar aao kabhī itne achānak-pan se

nā-umīdī ko tahayyur kī sazā de jaao

dushmanī kā koī pairāya-e-nādir DhūñDo

jab bhī aao mujhe jiine kī duā de jaao

vahī iḳhlās-o-muravvat kī purānī tohmat

dosto koī to ilzām nayā de jaao

koī sahrā bhī agar raah meñ aa.e 'anvar'

dil ye kahtā hai ki ik baar sadā de jaao

dard baDhta hi rahe aisi dawa de jao

kuchh na kuchh meri wafaon ka sala de jao

yun na jao ki main ro bhi na sakun furqat mein

meri raaton ko sitaron ki ziya de jao

ek bar aao kabhi itne achanak-pan se

na-umidi ko tahayyur ki saza de jao

dushmani ka koi pairaya-e-nadir DhunDo

jab bhi aao mujhe jine ki dua de jao

wahi iKHlas-o-murawwat ki purani tohmat

dosto koi to ilzam naya de jao

koi sahra bhi agar rah mein aae 'anwar'

dil ye kahta hai ki ek bar sada de jao