dard dil mein hon sun ai yar-e-sitam-gar ki tu

dard dil meñ hoñ sun ai yār-e-sitam-gār ki tū

tū huā chor to phir maiñ huuñ gunahgār ki tū

tū vafādār hai ai yār-e-janā-kār ki tū

maiñ vafādār huuñ ai yār-e-hibā-e-kār ki tū

jām-e-mai kis ke yahāñ haath meñ rahtā hai mudām

maiñ bhalā duḳhtar-e-raz se huuñ giraftār ki tū

tum ho bad-ahd na maiñ maiñ huuñ vafādār ki tum

maiñ ye kahtā huuñ ki tum tum kaho har baar ki tū

mujh ko yuuñ ḳhuuñ meñ Dubo kar ye kahe hai qātil

maiñ banā aaj bhalā ġhairat-e-gulzār ki tū

zaḳhm-e-dil par mere kal nuun chhiḌak kar bole

aaj maiñ huuñ namkīn aur mazedār ki tū

us se pūchhūñ shab-e-vasl meñ maiñ chheḌ ke ye

muñh se apne bhī to kah maiñ huuñ milansār ki tū

mahr-e-tābāñ se ye har saal hai merā dāġh-e-jigar

maiñ huuñ tābinda tirā mahr-e-pur-anvār ki tū

tujh ko kahtā huuñ ki ai barq chamak kar phir aa

dekhūñ afzal hai merī āh-e-sharar-bār ki tū

aur yaarī kā maza luuT dilā ek na ban

tiis din aaTh pahar yaar hai nā-chār ki tū

koh-e-ġham dil pe mere dosh pe tesha tere

kohkan tū hī batā maiñ huuñ girāñ-bār ki tū

shab ko aa kar vo gale se ye chimak kar bole

tujh se pūchhūñ huuñ ki ab maiñ huuñ vafādār ki tū

us se pūchhe hai jo 'ehsān' vafā-pesha kabhī

bevafā kaun hai kahtā hai vo ayyār ki tū

dard dil mein hon sun ai yar-e-sitam-gar ki tu

tu hua chor to phir main hun gunahgar ki tu

tu wafadar hai ai yar-e-jana-kar ki tu

main wafadar hun ai yar-e-hiba-e-kar ki tu

jam-e-mai kis ke yahan hath mein rahta hai mudam

main bhala duKHtar-e-raz se hun giraftar ki tu

tum ho bad-ahd na main main hun wafadar ki tum

main ye kahta hun ki tum tum kaho har bar ki tu

mujh ko yun KHun mein Dubo kar ye kahe hai qatil

main bana aaj bhala ghairat-e-gulzar ki tu

zaKHm-e-dil par mere kal nun chhiDak kar bole

aaj main hun namkin aur mazedar ki tu

us se puchhun shab-e-wasl mein main chheD ke ye

munh se apne bhi to kah main hun milansar ki tu

mahr-e-taban se ye har sal hai mera dagh-e-jigar

main hun tabinda tera mahr-e-pur-anwar ki tu

tujh ko kahta hun ki ai barq chamak kar phir aa

dekhun afzal hai meri aah-e-sharar-bar ki tu

aur yari ka maza luT dila ek na ban

tis din aaTh pahar yar hai na-chaar ki tu

koh-e-gham dil pe mere dosh pe tesha tere

kohkan tu hi bata main hun giran-bar ki tu

shab ko aa kar wo gale se ye chimak kar bole

tujh se puchhun hun ki ab main hun wafadar ki tu

us se puchhe hai jo 'ehsan' wafa-pesha kabhi

bewafa kaun hai kahta hai wo ayyar ki tu