dard-e-dil bhi kabhi lahu hoga

dard-e-dil bhī kabhī lahū hogā

koī armāñ to surḳh-rū hogā

aarzū koī bar na aa.egī

yahī anjām-e-ārzū hogā

dekh kar mere dil kī barbādī

kaun shaidā-e-rañg-o-bū hogā

aa.ine meñ hameñ vo dekheñge

ā.īna un ke rū-ba-rū hogā

ham na hoñge to ai ġham-e-jānāñ

kis ko yārā-e-ārzū hogā

kuchh to farmā.eñ aap tum yā tū

kuchh to andāz-e-guftugū hogā

un ke andāza-e-karam ke liye

har nafas vaqf-e-ārzū hogā

tāb-e-nazzāra-e-jamāl kise

ek maiñ hūñgā ek tū hogā

mere aate hī bazm saaqī meñ

sab ke lab par subū subū hogā

harf-e-matlab zabāñ pe kyuuñ aa.e

ye to iz.hār-e-ārzū hogā

manziloñ se guzar ke bhī 'sāhir'

dil kā maqsūd justujū hogā

dard-e-dil bhi kabhi lahu hoga

koi arman to surKH-ru hoga

aarzu koi bar na aaegi

yahi anjam-e-arzu hoga

dekh kar mere dil ki barbaadi

kaun shaida-e-rang-o-bu hoga

aaine mein hamein wo dekhenge

aaina un ke ru-ba-ru hoga

hum na honge to ai gham-e-jaanan

kis ko yara-e-arzu hoga

kuchh to farmaen aap tum ya tu

kuchh to andaz-e-guftugu hoga

un ke andaza-e-karam ke liye

har nafas waqf-e-arzu hoga

tab-e-nazzara-e-jamal kise

ek main hunga ek tu hoga

mere aate hi bazm saqi mein

sab ke lab par subu subu hoga

harf-e-matlab zaban pe kyun aae

ye to izhaar-e-arzu hoga

manzilon se guzar ke bhi 'sahir'

dil ka maqsud justuju hoga