dard-e-dil hai na falsafa mere pas

dard-e-dil hai na falsafa mire paas

daal roTī kā mas.ala mire paas

paas mere bhī hai tirī hī du'ā

kaash hotā tirā ḳhudā mire paas

āgahī aa ga.ī to aa hī ga.ī

ab nahīñ koī rāsta mire paas

ek pal ek pal na rok sakā

vaqt merā thā kab mirā mire paas

sust rātoñ meñ jis ne chhoḌā thā

tez bārish meñ aa gayā mire paas

tum parī-zād ho maiñ aadam huuñ

aise be-sudh na baiThnā mire paas

vāqi'a ye hai tū jo aa na sakā

tab se maiñ bhī na aa sakā mire paas

merā ġham bhī hai tere ġham jaisā

hai par is ġham kī intihā mire paas

dard jaalī haiñ ashk naqlī haiñ

ek hai niiñd kī davā mire paas

vaqt kā kyā qusūr vaqt thā vo

tū bhī 'āmir' kahāñ rahā mire paas

dard-e-dil hai na falsafa mere pas

dal roTi ka masala mere pas

pas mere bhi hai teri hi du'a

kash hota tera KHuda mere pas

aagahi aa gai to aa hi gai

ab nahin koi rasta mere pas

ek pal ek pal na rok saka

waqt mera tha kab mera mere pas

sust raaton mein jis ne chhoDa tha

tez barish mein aa gaya mere pas

tum pari-zad ho main aadam hun

aise be-sudh na baiThna mere pas

waqi'a ye hai tu jo aa na saka

tab se main bhi na aa saka mere pas

mera gham bhi hai tere gham jaisa

hai par is gham ki intiha mere pas

dard jali hain ashk naqli hain

ek hai nind ki dawa mere pas

waqt ka kya qusur waqt tha wo

tu bhi 'amir' kahan raha mere pas