درد دل کا مرے کچھ گھٹا عندلیب

درد دل کا مرے کچھ گھٹا عندلیب

کوئی نغمہ محبت کا گا عندلیب

ایک بچہ سا من اب مرا لگ گیا

ڈال سے ڈال پر پھر سے جا عندلیب

ہر کوئی بن کے صیاد بیٹھا یہاں

بارہا کہہ رہا لوٹ آ عندلیب

آج صحرا میں اتنی اداسی ہے کیوں

آ مرے پاس آ بیٹھ جا عندلیب

گاؤں سے دور پھر تیری آغوش میں

آ کے میں ہو گیا مبتلا عندلیب

صرف تو اور ارض و سما ہی نہیں

ساتھ تیرے میں بھی رو رہا عندلیب

فصل گل اب کے سوہلؔ فنا ہو گئی

اس برس ہو گئی غم زدہ عندلیب