dard-e-dil ki baqa hai shishe mein

dard-e-dil kī baqā hai shīshe meñ

kyūñki har sāniha hai shīshe meñ

āsmāñ chhup gayā hai shīshe meñ

vaqt phir se thamā hai shīshe meñ

kaun sāġhar meñ raqs kartā hai

kaun utrā huā hai shīshe meñ

aañkh meñ phir koī samundar hai

aañsū rukne lagā hai shīshe meñ

jo kabhī bhuul kar nahīñ aatā

barmalā aa chukā hai shīshe meñ

ek saaya jo saath rahtā thā

terā chehra banā hai shīshe meñ

sehn-e-dil meñ darāḌ aa.egī

baal ab aa chukā hai shīshe meñ

shahr meñ tere bāda-ḳhvāroñ kā

kaam behad chalā hai shīshe meñ

ek utrā hai baam par mere

ek shab bhar jalā hai shīshe meñ

tū nahīñ hai to dard vāloñ ke

dard kā silsila hai shīshe meñ

mere dil se tire taġhāful kā

'umr se vāsta hai shīshe meñ

mere hone se tum se milne tak

har hasīñ vāqi'a hai shīshe meñ

mā'nī utrā jo āsmānoñ se

harf zinda huā hai shīshe meñ

shīshe jaisā badan taḌaptā hai

aur us kī davā hai shīshe meñ

aaj 'nīlam' kī aañkh kyoñ chup hai

kis ne phir aa liyā hai shīshe meñ

dard-e-dil ki baqa hai shishe mein

kyunki har saniha hai shishe mein

aasman chhup gaya hai shishe mein

waqt phir se thama hai shishe mein

kaun saghar mein raqs karta hai

kaun utra hua hai shishe mein

aankh mein phir koi samundar hai

aansu rukne laga hai shishe mein

jo kabhi bhul kar nahin aata

barmala aa chuka hai shishe mein

ek saya jo sath rahta tha

tera chehra bana hai shishe mein

sehn-e-dil mein daraD aaegi

baal ab aa chuka hai shishe mein

shahr mein tere baada-KHwaron ka

kaam behad chala hai shishe mein

ek utra hai baam par mere

ek shab bhar jala hai shishe mein

tu nahin hai to dard walon ke

dard ka silsila hai shishe mein

mere dil se tere taghaful ka

'umr se wasta hai shishe mein

mere hone se tum se milne tak

har hasin waqi'a hai shishe mein

ma'ni utra jo aasmanon se

harf zinda hua hai shishe mein

shishe jaisa badan taDapta hai

aur us ki dawa hai shishe mein

aaj 'nilam' ki aankh kyon chup hai

kis ne phir aa liya hai shishe mein