dard-e-dil meri aah se puchho

dard-e-dil merī aah se pūchho

sabab us kī nigāh se pūchho

ma.ani-e-be-muravvatī-e-butāñ

us taġhāful-panāh se pūchho

bā.is-e-tīra-baḳhti-e-ālam

us kī zulf-e-siyāh se pūchho

us kī teġh-e-sitam kā sharh o bayāñ

jā kisī be-gunāh se pūchho

us ke mukhḌe kī raushnī kī sifat

mujh se kyā mahr o maah se pūchho

girya o nāla-o-fuġhāñ kyuuñ hai

ye mire dil kī chaah se pūchho

mahzar-e-husn-o-ishq kā qaziya

haq hai shāhid gavāh se pūchho

kyā kaheñ uus kā ghar hai kitnī duur

thak ga.e ham to raah se pūchho

qibla 'hātim' kidhar hai raast batā

jā ke us kaj-kulāh se pūchho

dard-e-dil meri aah se puchho

sabab us ki nigah se puchho

mani-e-be-murawwati-e-butan

us taghaful-panah se puchho

bais-e-tira-baKHti-e-alam

us ki zulf-e-siyah se puchho

us ki tegh-e-sitam ka sharh o bayan

ja kisi be-gunah se puchho

us ke mukhDe ki raushni ki sifat

mujh se kya mahr o mah se puchho

girya o nala-o-fughan kyun hai

ye mere dil ki chah se puchho

mahzar-e-husn-o-ishq ka qaziya

haq hai shahid gawah se puchho

kya kahen us ka ghar hai kitni dur

thak gae hum to rah se puchho

qibla 'hatim' kidhar hai rast bata

ja ke us kaj-kulah se puchho