dard ho dil mein to dawa kije

dard ho dil meñ to davā kiije

aur jo dil hī na ho to kyā kiije

ġham meñ kuchh ġham kā mashġhalā kiije

dard kī dard se davā kiije

aap aur ahd-e-pur-vafā kiije

tauba tauba ḳhudā ḳhudā kiije

dekhtā huuñ jo hashr ke āsār

apne tevar mulāhiza kiije

nazar-e-iltifāt ban ga.ī maut

mirī qismat ko aap kyā kiije

dekhiye maqtazā-e-hāl-e-marīz

ab davā chhoḌiye davā kiije

chaar din kī hayāt meñ 'manzar'

kyuuñ kisī se bhī dil burā kiije

dard ho dil mein to dawa kije

aur jo dil hi na ho to kya kije

gham mein kuchh gham ka mashghala kije

dard ki dard se dawa kije

aap aur ahd-e-pur-wafa kije

tauba tauba KHuda KHuda kije

dekhta hun jo hashr ke aasar

apne tewar mulahiza kije

nazar-e-iltifat ban gai maut

meri qismat ko aap kya kije

dekhiye maqtaza-e-haal-e-mariz

ab dawa chhoDiye dawa kije

chaar din ki hayat mein 'manzar'

kyun kisi se bhi dil bura kije