dard hoga to kya bura hoga
dard hogā to kyā burā hogā
ishq kā qarz kuchh adā hogā
ḳhuun se jo ḳhutūt likhtā thā
haañ vahī bevafā banā hogā
gar ināyat kisī ne kī tujh par
is meñ us kā hī kuchh bhalā hogā
phir yaqīnan koī jafā hogī
us kā va.ada agar vafā hogā
aaj lagtā hai sab hamāre haiñ
kal hamārā kise pata hogā
dard buniyād-e-zindagī hai 'rāz'
is pe kaise mahal khaḌā hogā
dard hoga to kya bura hoga
ishq ka qarz kuchh ada hoga
KHun se jo KHutut likhta tha
han wahi bewafa bana hoga
gar inayat kisi ne ki tujh par
is mein us ka hi kuchh bhala hoga
phir yaqinan koi jafa hogi
us ka wada agar wafa hoga
aaj lagta hai sab hamare hain
kal hamara kise pata hoga
dard buniyaad-e-zindagi hai 'raaz'
is pe kaise mahal khaDa hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
