dard ki aankh se tere gham ka lahu

dard kī aañkh se tere ġham kā lahū

ban ke sailāb bahne lagā chār-sū

dāman-e-dil jhaTak kar koī chal diyā

gungunātī rahī der tak āb-jū

ḳhushk shāḳhoñ ne dhartī kā ġham kah diyā

zard-pattoñ kī bach hī ga.ī aabrū

bain kartī havāoñ kī āshuftagī

chhīn kar le ga.ī kāvish-e-justujū

dekhne sogvārān-e-yusuf hameñ

kitne paiġhambaroñ kī luTī aabrū

phuul apnī tamāzat se sañvlā ga.e

laakh phailā rahā dāman-e-rañg-o-bū

apnī sāñsoñ pe yuuñ bad-gumānī sī hai

koī kaaTe badan to na nikle lahū

'mīr'-jī vo muġhannī kahāñ kho gayā

ham to ghuum aa.e haiñ dar-ba-dar kū-ba-kū

dard ki aankh se tere gham ka lahu

ban ke sailab bahne laga chaar-su

daman-e-dil jhaTak kar koi chal diya

gungunati rahi der tak aab-ju

KHushk shaKHon ne dharti ka gham kah diya

zard-patton ki bach hi gai aabru

bain karti hawaon ki aashuftagi

chhin kar le gai kawish-e-justuju

dekhne sogwaran-e-yusuf hamein

kitne paighambaron ki luTi aabru

phul apni tamazat se sanwla gae

lakh phaila raha daman-e-rang-o-bu

apni sanson pe yun bad-gumani si hai

koi kaTe badan to na nikle lahu

'mir'-ji wo mughanni kahan kho gaya

hum to ghum aae hain dar-ba-dar ku-ba-ku