درد کو کتنا چین ملا ہے پروانوں کی محفل میں
درد کو کتنا چین ملا ہے پروانوں کی محفل میں
مایا کھنّہ راجے بریلوی
MORE BYمایا کھنّہ راجے بریلوی
درد کو کتنا چین ملا ہے پروانوں کی محفل میں
چارہ گری دم توڑ گئی ہے نادانوں کی محفل میں
اپنوں کی محفل میں دل پر طنز کے نشتر برسے ہیں
کس درجہ اخلاص ملا ہے بیگانوں کی محفل میں
آج وفا پر ذکر کریں گے اہل خرد سے دیوانے
آج جنوں کی شمع جلے گی فرزانوں کی محفل میں
اب کے ہم بھی وحشت دل کو بہلانے لے جائیں گے
اب کے بہاریں رقص کریں گی ویرانوں کی محفل میں
چاند کی کرنوں کی باہوں میں سونے والے جاگ اٹھیں
ہلچل مچ جائے نہ مرے ارمانوں کی محفل میں
ہم سوداگر اشک وفا کے کون ہمیں پہچانے گا
کون حقیقت کو سمجھے گا افسانوں کی محفل میں
در در ہم نے ٹھوکریں کھائیں دیر و حرم بھی گھوم آئے
راجےؔ مگر انسان ملے ہیں پیمانوں کی محفل میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
