dard mein dil ko mubtala kar ke

dard meñ dil ko mubtalā kar ke

chal diye aap kyā se kyā kar ke

us se kuchh is se mashvara kar ke

aa ga.e dil kā faisla kar ke

ishq thā to thā terī chāhat thī

dil ko dekhā hai aa.ina kar ke

vo bhī qaa.em thā zid pe āḳhir tak

mar ga.e ham ḳhudā ḳhudā kar ke

chand kalmāt ho ga.e the atā

bech Daale vahī sunā kar ke

dil ko toḌā bahut salīqe se

gudgudā ke mujhe hañsā kar ke

itifāqan mujhe huā thā ishq

umr guzrī duā davā kar ke

us ne kal ḳhuub saarī bāteñ kī

ek hī baat bas chhupā kar ke

barf par so gayā badan tanhā

zaḳhm taaza kiye havā kar ke

lazzat-e-dard uf sub.hān-allāh

raat kaaTī hai ratjagā kar ke

dard mein dil ko mubtala kar ke

chal diye aap kya se kya kar ke

us se kuchh is se mashwara kar ke

aa gae dil ka faisla kar ke

ishq tha to tha teri chahat thi

dil ko dekha hai aaina kar ke

wo bhi qaem tha zid pe aaKHir tak

mar gae hum KHuda KHuda kar ke

chand kalmat ho gae the ata

bech Dale wahi suna kar ke

dil ko toDa bahut saliqe se

gudguda ke mujhe hansa kar ke

itifaqan mujhe hua tha ishq

umr guzri dua dawa kar ke

us ne kal KHub sari baaten ki

ek hi baat bas chhupa kar ke

barf par so gaya badan tanha

zaKHm taza kiye hawa kar ke

lazzat-e-dard uf subhan-allah

raat kaTi hai ratjaga kar ke