dard musafir Thahar gaya tha akhiyon ki hairani mein

dard musāfir Thahar gayā thā akhiyoñ kī hairānī meñ

sirf mohabbat bahtī thī aur saath ye ashk ravānī meñ

kaise huā aur kab ye huā kuchh ḳhabar nahīñ thī dil ko to

ek mohabbat jā soī thī vahshat meñ vīrānī meñ

dard kī shiddat aur baḌhī thī shahr-e-vafā kī shāmoñ meñ

aur vīrānī baiTh ga.ī thī in akhiyoñ ke paanī meñ

is hastī ke añdhiyāroñ ne baḳht ko aise gherā thā

apnī sadā tak ujaḌ ga.ī thī dil kī nauha-ḳhvānī meñ

ek suḳhnavar ke lafzoñ ne mujh ko yuuñ barbād kiyā

lutf samā.at ko miltā hai ab to zahr-afshānī meñ

us ne anjānī sī bāteñ kiiñ to phir ye ilm huā

ham to daanā samajh rahe the ḳhud ko baḌī nādānī meñ

dard musafir Thahar gaya tha akhiyon ki hairani mein

sirf mohabbat bahti thi aur sath ye ashk rawani mein

kaise hua aur kab ye hua kuchh KHabar nahin thi dil ko to

ek mohabbat ja soi thi wahshat mein virani mein

dard ki shiddat aur baDhi thi shahr-e-wafa ki shamon mein

aur virani baiTh gai thi in akhiyon ke pani mein

is hasti ke andhiyaron ne baKHt ko aise ghera tha

apni sada tak ujaD gai thi dil ki nauha-KHwani mein

ek suKHnawar ke lafzon ne mujh ko yun barbaad kiya

lutf samaat ko milta hai ab to zahr-afshani mein

us ne anjaani si baaten kin to phir ye ilm hua

hum to dana samajh rahe the KHud ko baDi nadani mein