dard nisbatan kam hai aaj dil ke chhaalon mein

dard nisbatan kam hai aaj dil ke chhāloñ meñ

phir bhaTak na jā.ūñ maiñ sub.h ke ujāloñ meñ

zindagī kī rāhoñ meñ yuuñ na chhoḌiye tanhā

ham bhī haiñ zamāne se saath chalne vāloñ meñ

mustaqil ḳhamoshī kā kuchh to hal nikal aatā

ham agar na kho jaate vaqt ke savāloñ meñ

aaj un kī zulfoñ kī aur baḌh ga.ī qīmat

raat bhī muqayyad hai uljhe uljhe bāloñ meñ

maut aur mushkil ho zindagī ke māroñ kī

ḳhūn-e-dil milā diije zahr ke piyāloñ meñ

maiñ to kuchh nahīñ kahtā ḳhud mulāhiza kiije

kis kā naam chaltā hai aaj ḳhush-jamāloñ meñ

narm narm lab haiñ yā pankhuḌī kañval kī hai

band hai shafaq un ke phuul jaise gāloñ meñ

vo charāġh kal shab ko bujh gayā sar-e-mahfil

jis ko DhūñDte ho tum aaj ke ujāloñ meñ

laakh mujh ko vo bhūleñ phir bhī hai yaqīñ 'nayyar'

munfarid rahūñgā maiñ yaad karne vāloñ meñ

dard nisbatan kam hai aaj dil ke chhaalon mein

phir bhaTak na jaun main subh ke ujalon mein

zindagi ki rahon mein yun na chhoDiye tanha

hum bhi hain zamane se sath chalne walon mein

mustaqil KHamoshi ka kuchh to hal nikal aata

hum agar na kho jate waqt ke sawalon mein

aaj un ki zulfon ki aur baDh gai qimat

raat bhi muqayyad hai uljhe uljhe baalon mein

maut aur mushkil ho zindagi ke maron ki

KHun-e-dil mila dije zahr ke piyalon mein

main to kuchh nahin kahta KHud mulahiza kije

kis ka nam chalta hai aaj KHush-jamalon mein

narm narm lab hain ya pankhuDi kanwal ki hai

band hai shafaq un ke phul jaise galon mein

wo charagh kal shab ko bujh gaya sar-e-mahfil

jis ko DhunDte ho tum aaj ke ujalon mein

lakh mujh ko wo bhulen phir bhi hai yaqin 'nayyar'

munfarid rahunga main yaad karne walon mein