درد و الم کی بھوک بدن سے نچوڑ لے

درد و الم کی بھوک بدن سے نچوڑ لے

یہ جسم میرا آخری چادر نہ اوڑھ لے

آ اس سے قبل روح بدل ڈالے آشیاں

دل پھر کہیں امید سے رشتہ نہ توڑ لے

کرتا نہیں میں ذکر بھی حالات حال کا

پھر تو ندامتوں کے سبب سر نہ پھوڑ لے

ایسا نہ ہو میں چھوڑ کے دنیا تجھے ملوں

ایسا نہ ہو کہ تو بھی کہیں منہ ہی موڑ لے

کہہ دے تو میں دکھا دوں تجھے دل کے آبلے

گھبرا کے پھر نہ تو کہیں بھوںئیں سکوڑ لے

آزادؔ ٹوٹ جائے نہ سانسوں کا سلسلہ

کس نے کہا تھا اس کو تو سانسوں سے جوڑ لے