درد و غم کی حکایتیں مت پوچھ
درد و غم کی حکایتیں مت پوچھ
دل پہ گزری قیامتیں مت پوچھ
ساری کوشش ہے بے حصول تری
زخم دل کی جراحتیں مت پوچھ
اک نظر میں نہ جانے کیا دیکھا
ہم سے آنکھوں کی حیرتیں مت پوچھ
ذرے ذرے میں ہے تری صورت
ہم سے اپنی شباہتیں مت پوچھ
ہم نے صدیاں گزار دیں اس میں
ایک پل کی رفاقتیں مت پوچھ
یاد رکھنا تو ہے کمال ترا
بھول جانے کی عادتیں مت پوچھ
ہے محبت تو اعتبار بھی کر
ہر عمل کی وضاحتیں مت پوچھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
