dard-o-gham ki hikayaten mat puchh

dard-o-ġham kī hikāyateñ mat pūchh

dil pe guzrī qayāmateñ mat pūchh

saarī koshish hai be-husūl tirī

zaḳhm-e-dil kī jarāhateñ mat pūchh

ik nazar meñ na jaane kyā dekhā

ham se āñkhoñ kī hairateñ mat pūchh

zarre zarre meñ hai tirī sūrat

ham se apnī shabāhateñ mat pūchh

ham ne sadiyāñ guzār diiñ is meñ

ek pal kī rifāqateñ mat pūchh

yaad rakhnā to hai kamāl tirā

bhuul jaane kī ādateñ mat pūchh

hai mohabbat to e'tibār bhī kar

har amal kī vazāhateñ mat pūchh

dard-o-gham ki hikayaten mat puchh

dil pe guzri qayamaten mat puchh

sari koshish hai be-husul teri

zaKHm-e-dil ki jarahaten mat puchh

ek nazar mein na jaane kya dekha

hum se aankhon ki hairaten mat puchh

zarre zarre mein hai teri surat

hum se apni shabahaten mat puchh

hum ne sadiyan guzar din is mein

ek pal ki rifaqaten mat puchh

yaad rakhna to hai kamal tera

bhul jaane ki aadaten mat puchh

hai mohabbat to e'tibar bhi kar

har amal ki wazahaten mat puchh