dard-o-gham ranj-o-alam aah-o-fughan

dard-o-ġham ranj-o-alam āh-o-fuġhāñ

sarguzasht-e-ishq kī haiñ surḳhiyāñ

dil hai merā mā.il-e-fariyād aaj

dekh kar un ke taġhāful kā samāñ

ik zarā ruk jā.iye sun lījiye

is dil-e-ranjūr kī bhī dāstāñ

aap ne to ik nazar dekhā faqat

jal gayā tāb-o-tavāñ kā āshiyāñ

ai dil-e-ġham-ghīñ na ro is daur meñ

kaun suntā hai kisī kī dāstāñ

ātish-e-ulfat to kab kī jal bujhī

raat din siine se uThtā hai dhuāñ

nazm-e-mai-ḳhāna badal kar rakh deñ ham

aao ai zinda-dilāñ 'tishna'-labāñ

dard-o-gham ranj-o-alam aah-o-fughan

sarguzasht-e-ishq ki hain surKHiyan

dil hai mera mail-e-fariyaad aaj

dekh kar un ke taghaful ka saman

ek zara ruk jaiye sun lijiye

is dil-e-ranjur ki bhi dastan

aap ne to ek nazar dekha faqat

jal gaya tab-o-tawan ka aashiyan

ai dil-e-gham-ghin na ro is daur mein

kaun sunta hai kisi ki dastan

aatish-e-ulfat to kab ki jal bujhi

raat din sine se uThta hai dhuan

nazm-e-mai-KHana badal kar rakh den hum

aao ai zinda-dilan 'tishna'-laban