dard sahti huin guni aankhen

dard sahtī huiiñ gunī āñkheñ

kis ne dīvār meñ chunī āñkheñ

log āñkhoñ meñ ḳhvāb bunte haiñ

ham ne ik ḳhvāb meñ bunī āñkheñ

tum ne kuchh der un ko dekhā bas

ham ne to der tak sunī āñkheñ

aks ġhairoñ kā un meñ dekhā to

haa.e kitnā jalī-bhunī āñkheñ

dard sahti huin guni aankhen

kis ne diwar mein chuni aankhen

log aankhon mein KHwab bunte hain

hum ne ek KHwab mein buni aankhen

tum ne kuchh der un ko dekha bas

hum ne to der tak suni aankhen

aks ghairon ka un mein dekha to

hae kitna jali-bhuni aankhen