درد سینے میں اٹھے بھی تو دبائے رکھنا

درد سینے میں اٹھے بھی تو دبائے رکھنا

غم حالات سے ہر لمحہ نبھائے رکھنا

اپنے احساس کو آندھی سے بچائے رکھنا

اس اندھیرے میں کوئی شمع جلائے رکھنا

جانے کب کون کہاں تم سے سہارا مانگے

درد کی دھوپ میں کچھ پھول کھلائے رکھنا

رہ الفت میں غم دل کی شکایت بے سود

فرض ہے چاک گریباں کا چھپائے رکھنا

دل میں اک درد اٹھا بات لبوں پر آئی

کتنا مشکل ہے کوئی بات بھلائے رکھنا

ہم گزر جائیں گے اڑتے ہوئے لمحوں کی طرح

راہ میں شوق سے کانٹوں کو بچھائے رکھنا

ڈھونڈ تاریک اندھیروں میں اجالے ناشادؔ

کب تلک درد کی دنیا سے بنائے رکھنا