dard tera mere sine se nikala na gaya

dard terā mire siine se nikālā na gayā

ik muhājir ko madīne se nikālā na gayā

maiñ tire saath guzāre hue din jiitā rahā

ek pal bhī tujhe jiine se nikālā na gayā

ek motī bhī na ubhrā mirī āñkhoñ meñ kabhī

tere bin kuchh bhī dafīne se nikālā na gayā

jab nikālā hai mujhe dil se to rote kyuuñ ho

tum se kāñTā bhī qarīne se nikālā na gayā

luqma-e-tar na milegā tire nāzuk tan ko

gar mire ḳhuun pasīne se nikālā na gayā

maiñ ne māñgā thā bas ik dhuup kā TukḌā 'āzim'

vo bhī sāvan ke mahīne se nikālā na gayā

dard tera mere sine se nikala na gaya

ek muhajir ko madine se nikala na gaya

main tere sath guzare hue din jita raha

ek pal bhi tujhe jine se nikala na gaya

ek moti bhi na ubhra meri aankhon mein kabhi

tere bin kuchh bhi dafine se nikala na gaya

jab nikala hai mujhe dil se to rote kyun ho

tum se kanTa bhi qarine se nikala na gaya

luqma-e-tar na milega tere nazuk tan ko

gar mere KHun pasine se nikala na gaya

main ne manga tha bas ek dhup ka TukDa 'azim'

wo bhi sawan ke mahine se nikala na gaya