dard thamta hi nahin sine mein aaram ke baad

dard thamtā hī nahīñ siine meñ ārām ke baa'd

ham to jalte haiñ charāġhoñ kī tarah shaam ke baa'd

bas yahī soch ke aksar maiñ laraz jaatā huuñ

jaane kyā hogā mirā hashr ke hangām ke baa'd

ishq kar baiThe magar ham ne ye sochā hī nahīñ

ḳhaak ho jā.eñge ham ishq ke anjām ke baa'd

likh ke kāġhaz pe tirā naam qalam toḌ diyā

koī bhāyā hī nahīñ mujh ko tire naam ke baa'd

ġham ke sailāb meñ phir bah gayā maskan merā

chain paayā hī thā ik bārish-e-ālām ke baa'd

mire qātil ne mirī laash pe dam toḌ diyā

vo pashemāñ thā bahut qatl ke ilzām ke baa'd

ham ne sīkhā hai hunar fat.h-o-zafaryābī kā

azm apnā hai javāñ koshish-e-nākām ke baa'd

sañg-sārī-o-malāmat hue ab apne nasīb

ham to barbād hue kūcha-e-asnām ke baa'd

kyā ḳhizāñ aa.ī ki barbād huā saarā chaman

rah ga.ī āh-o-fuġhāñ gulshan-e-gulfām ke baa'd

dard thamta hi nahin sine mein aaram ke ba'd

hum to jalte hain charaghon ki tarah sham ke ba'd

bas yahi soch ke aksar main laraz jata hun

jaane kya hoga mera hashr ke hangam ke ba'd

ishq kar baiThe magar hum ne ye socha hi nahin

KHak ho jaenge hum ishq ke anjam ke ba'd

likh ke kaghaz pe tera nam qalam toD diya

koi bhaya hi nahin mujh ko tere nam ke ba'd

gham ke sailab mein phir bah gaya maskan mera

chain paya hi tha ek barish-e-alam ke ba'd

mere qatil ne meri lash pe dam toD diya

wo pasheman tha bahut qatl ke ilzam ke ba'd

hum ne sikha hai hunar fath-o-zafaryabi ka

azm apna hai jawan koshish-e-nakaam ke ba'd

sang-sari-o-malamat hue ab apne nasib

hum to barbaad hue kucha-e-asnam ke ba'd

kya KHizan aai ki barbaad hua sara chaman

rah gai aah-o-fughan gulshan-e-gulfam ke ba'd