dard to meri jaan se uThta hai

dard to merī jaañ se uThtā hai

shor kyoñ āsmāñ se uThtā hai

naala jab merī jaañ se uThtā hai

shor sā āsmāñ se uThtā hai

in ḳharāshoñ pe kyā rakhūñ marham

dard zaḳhm-e-nihāñ se uThtā hai

zaḳhm de kar jo so gayā hai kahīñ

kab vo merī fuġhāñ se uThtā hai

kaise jiitā hai vo bhalā jis kā

jān-e-jāñ is jahāñ se uThtā hai

ishq ik bojh aur vo nāzuk

kab mire mehrbāñ se uThtā hai

baaqī mahfil meñ kuchh nahīñ rahtā

jān-e-mahfil jo vaañ se uThtā hai

tere uThne pe kuchh nahīñ rahtā

saaya tak sā.ebāñ se uThtā hai

dard to meri jaan se uThta hai

shor kyon aasman se uThta hai

nala jab meri jaan se uThta hai

shor sa aasman se uThta hai

in KHarashon pe kya rakhun marham

dard zaKHm-e-nihan se uThta hai

zaKHm de kar jo so gaya hai kahin

kab wo meri fughan se uThta hai

kaise jita hai wo bhala jis ka

jaan-e-jaan is jahan se uThta hai

ishq ek bojh aur wo nazuk

kab mere mehrban se uThta hai

baqi mahfil mein kuchh nahin rahta

jaan-e-mahfil jo wan se uThta hai

tere uThne pe kuchh nahin rahta

saya tak saeban se uThta hai