dard tumne diya wo thoDa tha

dard tum ne diyā vo thoḌā thā

raat ham ne hisāb joḌā thā

aaj bhī us jagah khaḌā huuñ maiñ

tum ne jaisā jahāñ pe chhoḌā thā

chāñd bādal meñ chhup gayā merā

hasrateñ saath le ke dauḌā thā

āsmāñ ḳhaak meñ milā dekhā

maut ne har ġhurūr toḌā thā

naqsh-e-pā kah rahe kahāñ manzil

kaun hai ret par jo dauḌā thā

āñsuoñ se vo tar-ba-tar niklā

maañ kā āñchal zarā nichoḌā thā

raah roke khaḌā rahā īmāñ

merī manzil meñ ye hī roḌā thā

dard tum ne diya wo thoDa tha

raat hum ne hisab joDa tha

aaj bhi us jagah khaDa hun main

tum ne jaisa jahan pe chhoDa tha

chand baadal mein chhup gaya mera

hasraten sath le ke dauDa tha

aasman KHak mein mila dekha

maut ne har ghurur toDa tha

naqsh-e-pa kah rahe kahan manzil

kaun hai ret par jo dauDa tha

aansuon se wo tar-ba-tar nikla

man ka aanchal zara nichoDa tha

rah roke khaDa raha iman

meri manzil mein ye hi roDa tha