dard wale ho to phir aisa karo

dard vaale ho to phir aisā karo

saath kuchh hamdard bhī rakkhā karo

apnā begāna na tum dekhā karo

har kisī se maslahat bartā karo

dūsroñ ke dard kī chhoḌo miyāñ

pahle apne dard kā chāra karo

go bulandī ho ki pastī har jagah

zehn-o-dil donoñ khule rakhā karo

is qadar ḳhāmoshiyāñ achchhī nahīñ

log kyā socheñge kuchh sochā karo

jis ko jo honā hai ho hī jā.egā

kaun kyoñ kaise hai kam sochā karo

saaf dikh jā.eñge chehre ke nuqūsh

ā.īna nazdīk se dekhā karo

ham-safar hoñge to bichhḌeñge zarūr

is liye ik ik safar tanhā karo

har-nafas 'āsī' ḳhudā kī den hai

har-nafas ik chaukasī bartā karo

dard wale ho to phir aisa karo

sath kuchh hamdard bhi rakkha karo

apna begana na tum dekha karo

har kisi se maslahat barta karo

dusron ke dard ki chhoDo miyan

pahle apne dard ka chaara karo

go bulandi ho ki pasti har jagah

zehn-o-dil donon khule rakha karo

is qadar KHamoshiyan achchhi nahin

log kya sochenge kuchh socha karo

jis ko jo hona hai ho hi jaega

kaun kyon kaise hai kam socha karo

saf dikh jaenge chehre ke nuqush

aaina nazdik se dekha karo

ham-safar honge to bichhDenge zarur

is liye ek ek safar tanha karo

har-nafas 'asi' KHuda ki den hai

har-nafas ek chaukasi barta karo