dard ye dil ka hamein tang kiye rahta hai

dard ye dil kā hameñ tang kiye rahtā hai

koī ḳhushbū kī tarah sang kiye rahtā hai

haa.e kyā ḳhuub musavvir hai vo uupar vaalā

phūl-pattoñ pe ka.ī rang kiye rahtā hai

pyaar se us ne banā.ī hai ye pyārī duniyā

kyoñ ye insān magar jang kiye rahtā hai

jis kī aahaT se rag-e-jāñ pe dhamak hotī hai

dil kī dhaḌkan ko vahī chang kiye rahtā hai

us ke aane se shab-o-roz mahak uThte haiñ

saare aalam ko vo ḳhush-rang kiye rahtā hai

rang hai nuur hai afshāñ haiñ charāġhāñ saare

vo tasavvur ko bhī gul-rang kiye rahtā hai

chheḌ detā hai vo jo sāz-e-mohabbat 'rinkī'

giit ġhazloñ meñ na.e rang kiye rahtā hai

dard ye dil ka hamein tang kiye rahta hai

koi KHushbu ki tarah sang kiye rahta hai

hae kya KHub musawwir hai wo upar wala

phul-patton pe kai rang kiye rahta hai

pyar se us ne banai hai ye pyari duniya

kyon ye insan magar jang kiye rahta hai

jis ki aahaT se rag-e-jaan pe dhamak hoti hai

dil ki dhaDkan ko wahi chang kiye rahta hai

us ke aane se shab-o-roz mahak uThte hain

sare aalam ko wo KHush-rang kiye rahta hai

rang hai nur hai afshan hain charaghan sare

wo tasawwur ko bhi gul-rang kiye rahta hai

chheD deta hai wo jo saz-e-mohabbat 'rinki'

git ghazlon mein nae rang kiye rahta hai