darida-pairahanon mein shumar hum bhi hain

darīda-pairahanoñ meñ shumār ham bhī haiñ

bahut dinoñ se anā ke shikār ham bhī haiñ

faqat tumhīñ ko nahīñ ishq meñ ye dar-badarī

tumhārī chaah meñ gard-o-ġhubār ham bhī haiñ

chaḌhī jo dhuup to hosh-o-havās kho baiThe

jo kah rahe the shajar sāya-dār ham bhī haiñ

bulandiyoñ ke nishāñ tak na chhū sake vo log

jinheñ gumāñ thā havā pe savār ham bhī haiñ

jo ḳhasta-hālī meñ darvesh kā muqaddar thī

usī qabā kī tarah tār-tār ham bhī haiñ

darida-pairahanon mein shumar hum bhi hain

bahut dinon se ana ke shikar hum bhi hain

faqat tumhin ko nahin ishq mein ye dar-badari

tumhaari chah mein gard-o-ghubar hum bhi hain

chaDhi jo dhup to hosh-o-hawas kho baiThe

jo kah rahe the shajar saya-dar hum bhi hain

bulandiyon ke nishan tak na chhu sake wo log

jinhen guman tha hawa pe sawar hum bhi hain

jo KHasta-haali mein darwesh ka muqaddar thi

usi qaba ki tarah tar-tar hum bhi hain