dariya dur nahin aur pyasa rah sakta hun
dariyā duur nahīñ aur pyāsā rah saktā huuñ
us se mile baġhair bhī zinda rah saktā huuñ
us kī be-taufīq mohabbat ke jañgal meñ
aadhā gum ho kar bhī aadhā rah saktā huuñ
kaisā rahtā huuñ mat pūchho shahr meñ us ke
vaisā hī rahtā huuñ jaisā rah saktā huuñ
tanhā rahne meñ bhī koī uzr nahīñ hai
lekin us ke saath hī tanhā rah saktā huuñ
vo bhī dāman chhoḌne ko tayyār nahīñ hai
maiñ bhī abhī is shāḳh se uljhā rah saktā huuñ
kuchh mujh ko ḳhud bhī andāza honā chāhiye
kitnā zaa.e ho kar kitnā rah saktā huuñ
jis hālat se nikal aayā huuñ koshish karke
is meñ vo chāhe to dobāra rah saktā huuñ
ek anokhe ḳhvāb ke andar sote jāgte
rahtā huuñ maiñ aur hamesha rah saktā huuñ
jitne fāsle par rakhtā hai 'zafar' vo mujh ko
rah bhī saktā huuñ lekin kyā rah saktā huuñ
dariya dur nahin aur pyasa rah sakta hun
us se mile baghair bhi zinda rah sakta hun
us ki be-taufiq mohabbat ke jangal mein
aadha gum ho kar bhi aadha rah sakta hun
kaisa rahta hun mat puchho shahr mein us ke
waisa hi rahta hun jaisa rah sakta hun
tanha rahne mein bhi koi uzr nahin hai
lekin us ke sath hi tanha rah sakta hun
wo bhi daman chhoDne ko tayyar nahin hai
main bhi abhi is shaKH se uljha rah sakta hun
kuchh mujh ko KHud bhi andaza hona chahiye
kitna zae ho kar kitna rah sakta hun
jis haalat se nikal aaya hun koshish karke
is mein wo chahe to dobara rah sakta hun
ek anokhe KHwab ke andar sote jagte
rahta hun main aur hamesha rah sakta hun
jitne fasle par rakhta hai 'zafar' wo mujh ko
rah bhi sakta hun lekin kya rah sakta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
