dariya ki be-panah rawani se Dar laga

dariyā kī be-panāh ravānī se Dar lagā

vo sag-gazīda thā use paanī se Dar lagā

chehra thā yā mazār pe katba lagā huā

dekhā jo aa.ina to javānī se Dar lagā

sar de ke bhī ham us kī hifāzat na kar sake

biite hue dinoñ kī nishānī se Dar lagā

ḳhud ko sunāne baiThe jo ham apnī dāstāñ

itnī ajiib thī ki kahānī se Dar lagā

tai kar chuke suḳhan kī bulandī to daf.atan

'iqbāl'-o-'mīr'-o-'ġhālib'-o-'fānī' se Dar lagā

dariya ki be-panah rawani se Dar laga

wo sag-gazida tha use pani se Dar laga

chehra tha ya mazar pe katba laga hua

dekha jo aaina to jawani se Dar laga

sar de ke bhi hum us ki hifazat na kar sake

bite hue dinon ki nishani se Dar laga

KHud ko sunane baiThe jo hum apni dastan

itni ajib thi ki kahani se Dar laga

tai kar chuke suKHan ki bulandi to dafatan

'iqbaal'-o-'mir'-o-'ghaalib'-o-'fani' se Dar laga