dariya ki mauj hi mein nahin iztirab hai

dariyā kī mauj hī meñ nahīñ iztirāb hai

sañg-e-ravāñ ke dil meñ bhī ik zaḳhm-e-āb hai

har fard aaj TūTte lamhoñ ke shor meñ

asr-e-ravāñ kī jāgtī ā.ankhoñ kā ḳhvāb hai

vo ḳhud hī apnī aag meñ jal kar fanā huā

jis saa.e kī talāsh meñ ye āftāb hai

ab koī nisf daam pe bhī pūchhtā nahīñ

ye zindagī nisāb se ḳhārij kitāb hai

palkoñ pe aaj niiñd kī kircheñ bikhar ga.iiñ

shīshe kī aañkh meñ koī patthar kā ḳhvāb hai

ai 'kaif' nā-qadoñ ke ta.assub ke bāvajūd

merā har ek sher adab kī kitāb hai

dariya ki mauj hi mein nahin iztirab hai

sang-e-rawan ke dil mein bhi ek zaKHm-e-ab hai

har fard aaj TuTte lamhon ke shor mein

asr-e-rawan ki jagti aaankhon ka KHwab hai

wo KHud hi apni aag mein jal kar fana hua

jis sae ki talash mein ye aaftab hai

ab koi nisf dam pe bhi puchhta nahin

ye zindagi nisab se KHarij kitab hai

palkon pe aaj nind ki kirchen bikhar gain

shishe ki aankh mein koi patthar ka KHwab hai

ai 'kaif' na-qadon ke tassub ke bawajud

mera har ek sher adab ki kitab hai