دریا میں دور موج روانی کے پار تھا

دریا میں دور موج روانی کے پار تھا

کچھ تیرتا ہوا تھا جو پانی کے پار تھا

یوں تو دکھائی دیتا تھا بڑھ کر نقوش سے

چھونے گئے ذرا تو نشانی کے پار تھا

عنوان اور کچھ ہوا آخر کتاب کا

کردار جانے کس کا کہانی کے پار تھا

کس نے کسے صدائیں دی ماضی کی آڑ میں

جانے یہ کون یاد پرانی کے پار تھا

ساحل پہ جیسے ہم تو سماعت میں غرق تھے

لہجے میں اس طرح وہ زبانی کے پار تھا

پرویزؔ شکر ہے کہ وہ لفظوں میں ضم ہوا

اک حرف تھا جو تیز روانی کے پار تھا