دریا میں کتابوں کے اتر کیوں نہیں جاتے

دریا میں کتابوں کے اتر کیوں نہیں جاتے

گر علم سے خالی ہو تو بھر کیوں نہیں جاتے

یہ راستے الفت کے ہیں پر خار تو ہوں گے

چھالوں کا ہے شکوہ تو مکر کیوں نہیں جاتے

کس واسطے قسطوں میں جدائی کا جلاپا

اک بار میں ہی دل سے اتر کیوں نہیں جاتے

پھل دار شجر ہو کے بھی پتھر سے شکایت

گر صبر نہیں تم کو تو جھر کیوں نہیں جاتے

فرہاد نہیں ہو تو پہاڑوں پہ چڑھے کیوں

مجنوں بھی نہیں آپ تو گھر کیوں نہیں جاتے

ساحلؔ ذرا تم پچھلی ہی ٹھوکر سے سبق لو

پھر عشق میں پڑتے ہو سدھر کیوں نہیں جاتے