dariya the band kuze mein hum ho ke rah gae

dariyā the band kuuze meñ ham ho ke rah ga.e

ye kyā ki apne aap meñ kam ho ke rah ga.e

har-vaqt garm rahte the ham ret kī tarah

paanī kā lams milte hī nam ho ke rah ga.e

chāhā ki ibtidā maiñ karūñ us kī dāstāñ

likhne chalā to haath qalam ho ke rah ga.e

ḳhāmoshiyoñ meñ gum huī dil kī har ek choT

guzrā vo ġham ki paikar-e-ġham ho ke rah ga.e

uljhā hai zindagī ke masā.il se aadmī

vīrān saare dair-o-haram ho ke rah ga.e

'rahmat' na Dūbne se bachāyā koī hameñ

nazzārgī kī lahroñ meñ zam ho ke rah ga.e

dariya the band kuze mein hum ho ke rah gae

ye kya ki apne aap mein kam ho ke rah gae

har-waqt garm rahte the hum ret ki tarah

pani ka lams milte hi nam ho ke rah gae

chaha ki ibtida main karun us ki dastan

likhne chala to hath qalam ho ke rah gae

KHamoshiyon mein gum hui dil ki har ek choT

guzra wo gham ki paikar-e-gham ho ke rah gae

uljha hai zindagi ke masail se aadmi

viran sare dair-o-haram ho ke rah gae

'rahmat' na Dubne se bachaya koi hamein

nazzargi ki lahron mein zam ho ke rah gae