darmandagi-e-ah-e-shab-gir ko kya kahiye

darmāndagī-e-āh-e-shab-gīr ko kyā kahiye

ik nāla-e-be-kas kī tāsīr ko kyā kahiye

mahrūmī-e-qismat kī kiije to shikāyat kyā

taqdīr to dushman hai taqdīr ko kyā kahiye

jis bazm meñ ulfat ko taqsīr kahā jaa.e

us bazm ko kyā kahiye taqsīr ko kyā kahiye

jo tiir ki ban jaa.e ik juzv-e-dil-e-bismil

paivast-e-rag-e-jāñ ho us tiir ko kyā kahiye

jo husn mukammal thā us zehn-e-musavvir meñ

tasvīr meñ utrā hai tasvīr ko kyā kahiye

har saañs pe TuuTe hai ik ek kaḌī phir bhī

hastī hai ki jakḌī hai zanjīr ko kyā kahiye

darmandagi-e-ah-e-shab-gir ko kya kahiye

ek nala-e-be-kas ki tasir ko kya kahiye

mahrumi-e-qismat ki kije to shikayat kya

taqdir to dushman hai taqdir ko kya kahiye

jis bazm mein ulfat ko taqsir kaha jae

us bazm ko kya kahiye taqsir ko kya kahiye

jo tir ki ban jae ek juzw-e-dil-e-bismil

paiwast-e-rag-e-jaan ho us tir ko kya kahiye

jo husn mukammal tha us zehn-e-musawwir mein

taswir mein utra hai taswir ko kya kahiye

har sans pe TuTe hai ek ek kaDi phir bhi

hasti hai ki jakDi hai zanjir ko kya kahiye