darmiyan-e-jism-o-jaan hai ek ajab surat ki aaD

darmiyān-e-jism-o-jāñ hai ik ajab sūrat kī aaḌ

mujh ko dil kī dil ko hai merī anāniyat kī aaḌ

aa gayā tark-e-ḳhudī kā gar kabhī bhūle se dhyān

dil ne paidā kī har ek jānib se har sūrat kī aaḌ

dete haiñ dil ke evaz vo dard bahr-e-imtihāñ

lete haiñ nām-e-ḳhudā apnī tamāniyyat kī aaḌ

nafs-parvar karte haiñ badnām nām-e-mai-kashī

parda-e-pindār meñ lete haiñ kaifiyyat kī aaḌ

parda-dārī chashm-e-nā-mahram se thī madd-e-nazar

darmiyāñ meñ Daal dī hai nuur ne hairat kī aaḌ

dīdanī jo kuchh hai jalva dekh chashm-e-pāk meñ

nuur ne vahdat meñ rah kar lī hai kyuuñ kasrat kī aaḌ

jab nihān-o-āshkārā jalva-e-jānāna hai

sab riyā-kārī hai sāhir ḳhalvat-o-jalvat kī aaḌ

darmiyan-e-jism-o-jaan hai ek ajab surat ki aaD

mujh ko dil ki dil ko hai meri ananiyat ki aaD

aa gaya tark-e-KHudi ka gar kabhi bhule se dhyan

dil ne paida ki har ek jaanib se har surat ki aaD

dete hain dil ke ewaz wo dard bahr-e-imtihan

lete hain nam-e-KHuda apni tamaniyyat ki aaD

nafs-parwar karte hain badnam nam-e-mai-kashi

parda-e-pindar mein lete hain kaifiyyat ki aaD

parda-dari chashm-e-na-mahram se thi madd-e-nazar

darmiyan mein Dal di hai nur ne hairat ki aaD

didani jo kuchh hai jalwa dekh chashm-e-pak mein

nur ne wahdat mein rah kar li hai kyun kasrat ki aaD

jab nihan-o-ashkara jalwa-e-jaanana hai

sab riya-kari hai sahir KHalwat-o-jalwat ki aaD