darogh-go yahan paikar sabhi raunat ke

daroġh-go yahāñ paikar sabhī ra.ūnat ke

jahāñ meñ anqā hue aa.ine sadāqat ke

paḌā hai kaal tire shahr meñ to kuuch kareñ

talāsh karte haiñ gauhar kahīñ mohabbat ke

ḳhirad kī baat kahāñ māntā dil-e-nādāñ

bikhar rahe hoñ dhanak rañg jabki ulfat ke

baḌe hī pyaar se chhūte haiñ dil ke zaḳhmoñ ko

vo nok-e-ḳhār hī haiñ gul nahīñ haiñ chāhat ke

haiñ lafz-e-kohna mohabbat ḳhulūs rasm-e-vafā

na.e haiñ silsile tansīḳh buġhz-o-nafrat ke

mashām-e-jāñ meñ mahaktī hai vasl kī ḳhushbū

haiñ yaad tujh ko shab-o-roz apnī qurbat ke

ḳhirad kī sunte kahāñ haiñ junūn-e-ishq meñ log

ye dard sahte haiñ 'mīnā' jī kis qayāmat ke

darogh-go yahan paikar sabhi raunat ke

jahan mein anqa hue aaine sadaqat ke

paDa hai kal tere shahr mein to kuch karen

talash karte hain gauhar kahin mohabbat ke

KHirad ki baat kahan manta dil-e-nadan

bikhar rahe hon dhanak rang jabki ulfat ke

baDe hi pyar se chhute hain dil ke zaKHmon ko

wo nok-e-KHar hi hain gul nahin hain chahat ke

hain lafz-e-kohna mohabbat KHulus rasm-e-wafa

nae hain silsile tansiKH bughz-o-nafrat ke

masham-e-jaan mein mahakti hai wasl ki KHushbu

hain yaad tujh ko shab-o-roz apni qurbat ke

KHirad ki sunte kahan hain junun-e-ishq mein log

ye dard sahte hain 'mina' ji kis qayamat ke